అభ్యర్థి ఏ పార్టి వాడని కాదు..ఏపాటి వాడో చూడు...ఎన్నుకుంటే వెలగ బెట్టడంకాదు...ఇప్పటిదాకా ఏంచేసిండో చూడు...పెట్టుకునే టోపి కాదు.పెట్టిన టోపి చూడు...ప్రజాకవి కాళోజి

Trending.....

28 మంది తెలుగు మత్స్యకారులను నిర్బంధించిన పాక్

సముద్రంలోకి చేపల వేటకు వెళ్లిన ఆంధ్రప్రదేశ్‌కుచెందిన 28 మంది మత్స్యకారులను పాకిస్థాన్‌ నిర్బంధించింది. వీరిలో సిక్కోలు వాసులు 20 మంది కాగా, విజయనగరం జిల్లా నలుగురు, తూర్పుగోదావరి జాలర్లు నలుగురు ఉన్నారు. వీరంతా కలిసి గుజరాత్‌ తీరంలోని వీరావల్‌ నుంచి బుధవారం సముద్రంలో చేపల వేటకు బయలుదేరి పొరపాటున పాకిస్థాన్‌ ప్రాదేశిక జలాల్లోకి ప్రవేశించారు. దీంతో అక్కడి పాకిస్థాన్ తీర ప్రాంత గస్తీ దళాలు వారిని అదుపులోకి తీసుకున్నాయి. శ్రీకాకుళం జిల్లా ఎచ్చెర్ల మండలం డి.మత్స్యలేశం గ్రామానికి చెందిన వారే వీరిలో పది మంది వరకు ఉన్నట్టు అధికారులు తెలిపారు. దీనిపై ఏపీ మత్స్యశాఖ కమిషనర్‌ రామశంకర్‌నాయక్‌ మీడియాతో మాట్లాడుతూ.. చేపల వేటకు నాలుగు బోట్లలో మత్స్యకారులు బయలుదేరి వెళ్లారని, మూడు బోట్లు పాకిస్థాన్‌ కోస్ట్‌గార్డ్‌లకు పట్టుబడటంతో కొద్ది దూరంలో ఉన్న నాలుగో బోటు వారు అక్కణ్నుంచి తప్పించుకున్నారని తెలిపారు. వారు తెలిపిన సమాచారంతో వివరాలు సేకరించామని ఆయన వివరించారు. 


గుజరాత్‌లో చేపల వ్యాపారుల వద్ద పని చేస్తున్న వీరంతా పాకిస్థాన్‌ తీర భద్రత దళాలకు చిక్కినట్టు తెలియడంతో మంత్రి కళా వెంకటరావు తక్షణమే ఈ అంశాన్ని సీఎం చంద్రబాబు దృష్టికి తీసుకెళ్లారు. దీనిపై స్పందించి చంద్రబాబు మత్స్యకారులను విడిపించడానికి చర్యలు తీసుకోవాలని సీఎంఓ, ఏపీ భవన్‌ అధికారులను ఆదేశించారు. దీంతో పాక్‌లోని భారత హైకమిషన్ కార్యాలయానికి ఏపీ అధికారులు సమాచారం అందజేసి అప్రమత్తం చేశారు. ఈ ఘటనపై భారత హైకమిషన్‌ పాక్‌ విదేశాంగ శాఖ దృష్టికి తీసుకెళ్లింది. భారత అధికారి గౌరవ్‌ అహ్లువాలియా పాక్ అధికారులతో సంప్రదింపులు జరిపారు. అదుపులోకి తీసుకున్న మత్స్యకారులను కోస్ట్‌గార్డు దళాలు కరాచి పంపినట్లు తెలుస్తోంది. 

ఏపీ భవన్ రెసిడెంట్ కమిషనర్ శ్రీకాంత్ మాట్లాడుతూ... సీఎం ఆదేశాల మేరకు తాము ఇప్పటికే ఇస్లామాబాద్‌లోని భారత హైకమిషన్‌తో మాట్లాడామని తెలిపారు. పాక్ విదేశాంగ శాఖకు భారత అధికారులు సమాచారం ఇచ్చారని, జాలర్లను మెరైన్‌ సెక్యూరిటీ అరెస్ట్ చేసిందని పేర్కొన్నారు. పట్టుబడిన జాలర్లను సాధ్యమైనంత త్వరగా స్వస్థలాలకు చేర్చేందుకు చర్యలు తీసుకుంటామని ఆయన స్పష్టంచేశారు. మరోవైపు, బాధిత మత్స్యకార కుటుంబాలు తమవారి క్షేమ సమాచారం కోసం ఆందోళన చెందుతున్నారు. వీలైనంత త్వరగా వారిని రప్పించాలని వేడుకొంటున్నారు. 

No comments:

Post a Comment

THANK YOU FOR YOUR COMMENT